Ўзбекистон | 13:01 / 19.07.2021
3996
1 дақиқада ўқилади

Президент қатор вилоятларда гидротехник иншоотларни модернизация қилиш бўйича йиғилиш ўтказади

Президент матбуот котиби Шерзод Асадов ОАВ учун ўтказилган анъанавий брифингда жорий ҳафтада давлат раҳбари иштирокида бўлиб ўтиши режалаштирилаётган тадбирлар ҳақида маълумот берди.

“Бу ҳафтада Бухоро, Навоий, Қашқадарё, Самарқанд ва Сурхондарё вилоятларида гидротехник иншоотларни модернизация қилиш бўйича йиғилиш, табиий ва аниқ фанлар ҳамда ахборот технологиялари бўйича ўқув дастурларини такомиллаштириш тўғрисида тақдимот бўлиб ўтади”, дея Шерзод Асадовнинг нутқидан иқтибос келтирмоқда Kun.uz мухбири.

Шунингдек, ҳудудларда оилавий тадбиркорликни ривожлантириш ҳамда аҳолининг доимий даромад манбаларини кўпайтириш юзасидан видеоселектор йиғилиши ўтказилиши кўзда тутилган. 

Маълум қилинишича, улар бўйича оммавий ахборот воситаларида батафсил хабар берилади.

Аброр Зоҳидов
Тайёрлаган Аброр Зоҳидов
Kun.uz янгиликларини Google News'да кузатинг
+ Обуна бўлиш

Мавзуга оид