Эрон Афғонистондаги ҳар қандай ҳукумат билан ҳамкорлик қилишга тайёрлигини билдирди

“Эрон Афғонистонда тинчлик ва хавфсизликни ўрнатиш учун саъй-ҳаракатларни давом эттирмоқда”, – дея Раисий сўзларини келтириб ўтди унинг матбуот хизмати. – Биз ушбу мамлакатда тинчлик ва осойишталикни ўрнатиш учун жавобгарликни ҳис қилувчи ҳар қандай ҳукумат билан ҳамкорлик қилишга тайёрмиз”.

“Толибон” жангарилари 15 августда Кобулга жангсиз кирди ва бир неча соат ичида шаҳар устидан тўлиқ назорат ўрнатди. Афғонистон президенти Ашраф Ғани қон тўкилишининг олдини олиш мақсадида мамлакатни тарк этди. Республика вице-президенти Амрулла Солиҳ президент йўқ бўлган шароитда ўзини давлат раҳбари деб эълон қилиб, “Толибон”га қуролли қаршилик кўрсатишга чақирди.