Қўшимча функционаллар
-
Тунги кўриниш
Бразилияда жиноятчилар гаровга олинган одамлардан тирик қалқон сифатида фойдаланди
Бразилияда банкларни туновчи ўғрилар полициядан қочиш вақтида гаровга олинган одамлардан тирик қалқон сифатида фойдаланди. Улар Сан Паулу штатидаги Арасатуба шаҳрида жойлашган бир нечта банкга ҳужум қилишган.
Миллий телеканаллардан бирининг журналисти Юрий Макрининг таъкидлашича, ўғриликлар вақтида уч киши, жумладан бир жиноятчи ҳалок бўлган. 20 кишидан иборат жиноий тўда банкларга ҳужум қилиш вақтида полиция эътиборини чалғитиш мақсадида шаҳарнинг турли қисмларида автомобилларни портлатган.
Жиноятчилар полиция томонидан ўққа тутилишдан қочиш мақсадида гаровга олган одамларни автомобиллар томи ва капотларига боғлаб қўйишган.
“Полиция жиноятчиларга ҳужум қилолмайди, чунки ўртада жуда кўп одамлар ҳаёти турибди”, деб айтган Арасатуба мэри Диладор Боргес.
Таъкидланишича, шаҳарда портлашлар хавфи сақланиб қоляпти, фуқаролардан ўз уйларидан чиқмаслик сўралган ва мактабларда дарслар бекор қилинган.
Полиция жиноятчиларни таъқиб қилиш вақтида улардан уч нафарини тутишга муваффақ бўлган. Қолган жиноятчилар эса яширинган.
Автомобилларга боғлаб қўйилган одамларнинг тақдири ҳақида ҳозирча ҳеч нарса маълум эмас.
Мавзуга оид
14:45 / 22.05.2025
NYT: Россия Бразилиядан «жосуслар фабрикаси» сифатида фойдаланган
20:37 / 12.05.2025
Карло Анчелотти Бразилия миллий жамоасига бош мураббий бўлди
10:40 / 05.05.2025
Бразилия полицияси Леди Гага концертидаги терактнинг олдини олди
19:37 / 01.05.2025