Грузияда коронавируснинг бешинчи тўлқини бошлангани маълум қилинди

Гамкрелидзенинг таъкидлашича, мамлакатда коронавируснинг бешинчи тўлқини касалланишнинг янада юқори кўрсаткичлари билан бошланган.

“Бу ҳаёт ва ўлим масаласи. Ҳамма эмланиши, ниқоб тақиши керак. Йўқса Грузияда ноябр оғир кечади”, деб огоҳлантирган мутахассис.

Грузиялик эпидемиологларнинг фикрича, вазият ёмонлашишининг асосий сабаби аҳоли эмланиши паст даражада экани ҳисобланади. Грузия меҳнат, соғлиқни сақлаш ва ижтимоий ҳимоя вазирлиги маълумотларига кўра, мамлакатда 22 фоиз аҳолигина коронавирусга қарши эмланган. Таъкидланишича, Грузияда йил охиригача “оммавий иммунитет” ҳосил қилиш учун кунига эмланиши зарур бўлган 30-40 минг киши ўрнига 4-5 минг киши эмланмоқда.

Грузияда пандемия бошидан бери 665 мингдан кўпроқ киши коронавирусга чалинган. Маълумотларга кўра, мамлакатда бир кун ичида коронавирусга олинган тестларнинг 10 фоизи мусбат чиқмоқда. Ваҳоланки, ЖССТ бу кўрсаткич у ёки бу давлатда 4 фоизни ташкил қилганда, бу эпидемия хавфи кучайганидан дарак беришини таъкидлайди.   

Грузиядаги оғир эпидемиологик вазият сабабли Европанинг бир қатор давлатлари тўлиқ эмланган грузияликларни ҳам қабул қилишдан бош тортмоқда.