Олимлар ПЗР-тест натижасининг аниқлиги сутканинг қайси вақтида топширилганига боғлиқлигини аниқлади

Олимлар буни циркад ритм билан изоҳламоқда – қайд этилишича, коронавирус зарарланган ҳужайраларда вирус зарраларини кундузи фаолроқ ажратиб чиқаради.

Фото: РИА Новости

АҚШнинг Вандербилт университети олимлари коронавирус инфекциясига ПЗР-тест натижасининг аниқлиги сутканинг қайси вақтида топширилганига боғлиқлигини маълум қилди.

«Тадқиқотчилар мусбат тест натижаси аниқлиги тест кундуз куни топширилганида кечки вақтдагига нисбатан икки марта юқори бўлишини аниқлади», — дейилади хабарда.

Улар буни циркад ритм билан изоҳламоқда – қайд этилишича, коронавирус зарарланган ҳужайраларда вирус зарраларини кундузи фаолроқ ажратиб чиқаради.

«COVID-19га тестни сутканинг мақбул вақтида топшириш касаллик симптомсиз кечаётган одамларга ташхис аниқ қўйилишини таъминлайди», — деб ҳисоблайди университет биология фанлари профессори Карл Жонсон.