Бухорода тадбиркордан пул олган электрикка жиноят иши очилди

Шофиркон туманида 300 АҚШ доллари эвазига тадбиркорнинг “ишини ҳал қилиб” бермоқчи бўлган муҳандис қўлга олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.

Маълум қилинишича, Вобкент тумани Электр тармоқлари корхонаси муҳандиси Д.Д. якка тартибдаги тадбиркор Ф.дан ишлаб чиқариш цехига уч фазали электр линиясини улаб бериш эвазига 300 АҚШ доллари сўраган. У келишилган пулни олаётганда департамент ҳамда ДХХнинг Шофиркон тумани бўлимлари томонидан ўтказилган тезкор тадбирда ашёвий далиллар билан ушланган.

Ҳолат юзасидан Жиноят кодексининг 25, 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

Олдинроқ Бухорода 1 700 доллар эвазига фуқарони ўқишга киритмоқчи бўлган шахс ушланганди.