Рамзан Қодиров феномени: Кичик ҳудуд раҳбари қандай қилиб “катта вазнли” сиёсатчига айланиб қолган?

“Мен Аллоҳнинг қули, Путиннинг аскари, халқнинг хизматкориман!” – усталик билан тизилган бу жумла Россиянинг митти, аммо ўта аҳамиятли ҳудуди Чеченистон раҳбари Рамзан (Рамазон) Қодировга тегишли. Қодировнинг бугунги Россиядаги сиёсий вазни катталигидан, баъзи экспертлар унинг қуюшқон ва назоратдан чиқиб кетиши ҳақида ҳадик билан фикр билдирадилар.