Қўшимча функционаллар
-
Тунги кўриниш
Айдар-Арнасой кўллар тизимида овлаш тақиқланган балиқларни овлаган шахсга жиноят иши қўзғатилди
У овлаш тақиқланган балиқларни овлаб, ҳайвонот дунёсига 101,5 миллион сўм зарар етказган.
Фото: Бош прокуратура ҳузуридаги департамент
Бош прокуратура ҳузуридаги департаментнинг хабар беришича, департаментнинг Айдар-Арнасой кўллар тизими ресурсларидан фойдаланиш соҳасида иқтисодий ҳуқуқбузарликларга қарши курашиш бўлими томонидан тезкор тадбир ўтказилган.
Тадбирда, фуқаро Ф.Б. ўз бошқарувидаги автотранспорт воситасида овлаш тақиқланган майда ҳажмли 3 611 бош “Қизилқанот” ва 15 бош “Оқсла” балиқларини олиб кетаётганда ушланган.
Терговга қадар текширувда, Ф.Б. тақиқланган балиқларни овлаб, ҳайвонот дунёсига 101,5 миллион сўм зарар етказгани, табиий кўл ҳудудидан унга тегишли бўлган балиқ овлашда тақиқланган 4 дона майда ҳажмли "Леска” тўрлари борлиги аниқланиб, ашёвий далил сифатида олинган.
Қайд этилишича, мазкур ҳолат юзасидан Жиноят кодексининг 202-моддаси (Ҳайвонот ёки ўсимлик дунёсидан фойдаланиш тартибини бузиш) билан жиноят иши қўзғатилиб, тергов ҳаракатлари ўтказилмоқда.
Мавзуга оид
11:59 / 05.11.2024
Ўзбекистонлик олимлар Фарғона водийсидан янги балиқ турини топди
10:40 / 08.10.2024
Ўрта Чирчиқда ноқонуний тарзда балиқ овлаган шахслар табиатга 42 млн сўм зарар етказди
23:17 / 23.09.2024
Хитойда 3D-принтер ёрдамида балиқ гўшти муқобили яратилди
08:10 / 06.09.2024