Uzbekistan Airways Краснодар ва Ростов-Донга қўшимча рейсларни йўлга қўяди

Жорий йилнинг 20 февралидан Uzbekistan Airways АЖ якшанба кунлари Тошкент – Ростов-Дон – Тошкент йўналиши бўйича қўшимча авиақатновларни йўлга қўяди.

Фото: Kun.uz

Қайд этилишича, Тошкентдан учиш соат 18:30 да, Ростов-Донга етиб бориш соат 20:20 да, Ростов-Дондан учиш соат 21:50 да, Тошкентга етиб бориш соат 02:20 да амалга оширилади.

Тошкент – Ростов-Дон йўналишида авиачипта нархи 1 761 681 сўмдан, Тошкент – Ростов-Дон – Тошкент йўналишида эса 1 934 819 сўмдан бошланади.

23 февралдан эса чоршанба кунлари Тошкент – Краснодар – Тошкент йўналиши бўйича қўшимча авиақатновлар йўлга қўйилади.

Бунда, Тошкентдан учиш соат 19:10 да, Краснодарга етиб бориш соат 21:00 да, Краснодардан учиш соат 22:30 да, Тошкентга етиб бориш соат 03:00 да амалга оширилади.

Тошкент – Краснодар йўналишида авиачипта нархи 1 956 956 сўмдан, Тошкент – Краснодар – Тошкент йўналишида эса 2 179 562 сўмдан бошланади.