Тошкент туманида ҳокимлик захирасидан 14 сотих ер майдони олиб беришни ваъда қилган фирибгар ушланди

У 14 сотих ер майдонига таниши орқали эгалик қилиш ҳуқуқини берувчи қарорни чиқартириб бериш эвазига 8 000 АҚШ доллари талаб қилган.

Фото: Бош прокуратура

Бош прокуратура ҳузуридаги Департаментнинг хабар беришича, фуқаро Н.Ш. фуқаро Б.нинг ишончига кириб, унга Тошкент туман ҳокимлиги захирасида бўлган 14 сотих ер майдонини гўёки “З.” исмли таниши орқали 8 000 АҚШ доллари эвазига унга эгалик қилиш ҳуқуқини берувчи қарорни чиқартириб беришни ваъда қилиб, шундан 4 000 АҚШ долларини олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) ва билан жиноят иши қўзғатилиб, тергов ҳаракатлари ўтказилмоқда.

Аввалроқ, Тошкент вилоятида электр тармоқлари корхонаси ходими пора билан ушлангани хабар қилинган эди.