Байден: «Путин – агрессор, у СССРни тикламоқчи»
АҚШ президенти Жо Байден Россия Украинага бостириб кириши фонида америкаликларга мурожаат қилди. Байден Россияга қарши киритилган янги санкцияларни ҳам эълон қилди.
«Путиннинг нутқини томоша қилдим, унинг мақсади СССРни тиклаш. Путин – агрессор. Биз жасур украин халқини қўллаб-қувватлаймиз.
Россия бизнесига доллар, евро, фунт ва иенада пул ўтказмаларини амалга оширишни чеклаб қўямиз. АҚШ Россиянинг ВТБ банкига нисбатан санкция қўллайди. Янги санкциялар Россия юқори технологияли маҳсулотлари экспортини чеклайди. Бу санкция коинот соҳасини ҳам ўз ичига олади. Санкциялар Россия юқори технологиялар импортининг ярмидан кўпига тааллуқли бўлади.
НАТО Россиянинг ҳаракатларига қарши чораларни кўради. АҚШ Европага қўшин юборади, жумладан, Германияга. Мен Путин билан гаплашмоқчи эмасман. Россияни SWIFT'дан узиш ҳозирча режа қилинмаяпти, лекин бу вариант сақлаб қолинади. Шахсан Путинга қарши санкциялар қўллашга тайёрман. Путин уруш очиш орқали Россияни кучсиз, дунёни эса кучли қилади», деди Байден.
АҚШ Молия вазирлиги Россиянинг икки йирик банки «Газпромбанк» ҳамда «Сбербанк»га қарши санкция қўлланишини маълум қилди. АҚШ Молия вазирлиги мамлакатдаги барча молия ташкилотларига 30 кун ичида «Сбербанк»даги вакиллик ҳисобларини ёпишни буюрди. Санкциялар сабаб «Сбербанк»даги доллар ўтказмалари улар Америка банкларига тушган заҳоти бекор қилинади.
Мавзуга оид
21:12 / 22.09.2024
Покистонда Россия элчиси кортежидаги автомобил мина билан портлатилди
20:07 / 22.09.2024
Зеленский Россия билан музокаралар бўйича позициясини нега ўзгартирганини тушунтирди
18:47 / 22.09.2024
АҚШдан ўғирланган ва ҳануз ишлаб чиқарилаётган «Буханка»
18:42 / 22.09.2024