Ўзбекистонга озиқ-овқат маҳсулотлари асосан Қозоғистон ва Россиядан олиб кирилмоқда

Қўмита маълумотларига кўра, Ўзбекистонга 2022 йилнинг январь-февраль ойларида импорт қилинган озиқ-овқат маҳсулотлари ҳажмида юқори улушга эга бўлган давлатлар орасида Қозоғистон етакчилик қилмоқда – 36,1 фоиз.

Ушбу кўрсаткич қолган давлатлар бўйича қуйидагича кўринишга эга:

• Россия – 25,6 фоиз;
• Бразилия – 12,4 фоиз;
• Беларусь – 4,4 фоиз;
• Покистон – 3,6 фоиз;
• бошқа давлатлар – 17,9 фоиз.

Қўмита 2022 йилнинг январь-февраль ойларида импорт қилинган айрим турдаги озиқ-овқат маҳсулотлари қийматини ҳам маълум қилди.

Улар:

• буғдой – 113,1 млн АҚШ долларига;
• шакарқамиш – 59,6 млн АҚШ долларига;
• маргарин маҳсулотлари – 52,1 млн АҚШ долларига;
• қорамол гўшти – 26,5 млн АҚШ долларига;
• ўсимлик ёғи – 22,5 млн АҚШ долларига;
• картошка – 21 млн АҚШ долларига;
• какао ва шоколад – 19,6 млн АҚШ долларига;
• буғдой уни – 16,4 млн АҚШ долларига;
• банан – 11,5 млн АҚШ долларига;
• болалар учун озиқ-овқат маҳсулотлари – 10,1 млн АҚШ долларига;
• сут маҳсулотлари – 8,7 млн АҚШ долларига;
• чой – 7,4 млн АҚШ долларига;
• парранда гўшти – 7,2 млн АҚШ долларига;
• мандарин – 5,9 млн АҚШ долларига;
• маккажўхори – 5,7 млн АҚШ долларига;
• қаҳва – 5,1 млн АҚШ долларига.

Бундан олдин Ўзбекистонга импорт картошка асосан Покистондан олиб келинаётгани хабар берилганди.