Ўзбек онаси сиймосида қалбларда қолган аёл – Тўти Юсуповани хотирлаб

Тўти Юсупова – ҳаёти ибратга, матонатга тўла аёл, она, санъаткор. У ҳамма ўзбекларнинг қадрли, севимли бувиси эди. Яқинлари билан суҳбатлашарканмиз, хаста фарзандини даволатиш учун Америкада ишлашга мажбур бўлган, ўғли вафотидан кейин келинини турмушга узатган, бир эмас, беш ўлим чаққан жони синмаган, набиралар учун жонфидо АЁЛ сиймоси кўз ўнгимизда қайтадан гавдаланди.