Ўзбекистонда 2022 йил биринчи чорагида 37 та янги фоторадар ҳамда камералар ишга туширилди (рўйхат)

Коррупцияга қарши курашиш агентлиги ИИВ ЖХД Йўл ҳаракати хавфсизлиги хизмати томонидан 2022 йилнинг биринчи чорагида ўрнатилган махсус автоматлаштирилган фото ва видео қайд этиш дастурий-техник воситалари ўрнатилган манзиллари бўйича маълумот берди.

Маълум қилинишича, республика ҳудудидаги автомобиль йўлларида 2022 йил биринчи чорагида жами 37 та янги фоторадар ҳамда кузатув камералари ишга туширилган. Улардан 4 таси хавфсизлик камарини тақмаслик ёки ҳайдовчиларнинг телефондан фойдаланганлик ҳолатини аниқловчи кузатув камераси, 33 таси эса ҳаракат тезлигини белгиланган меъёрдан ошириб юборганлик ҳолатини аниқловчи фоторадар қурилмалари ҳисобланади.

Янги ишга туширилган фоторадар ҳамда кузатув камералари ҳудудлар кесимида қуйидагича:

• Сурхондарё вилоятида – 10 та;
• Хоразм вилоятида – 7 та;
• Қашқадарё вилоятида – 5 та;
• Тошкент шаҳрида – 5 та;
• Фарғона вилоятида – 4 та;
• Тошкент вилоятида – 4 та;
• Бухоро вилоятида – 2 та.

Ўзбекистон ҳудудида 2022 йил биринчи чорагида янги ўрнатилган фоторадар ҳамда интеллектуал кузатув камералари аниқ манзили ва қоидабузарлик турлари бўйича рўйхати.