Хитойнинг 22та ҳарбий самолёти Тайван ҳаво ҳужумидан мудофаа ҳудудига кирди

Оролга иккита кемаларга қарши самолёт, ўнта қирувчи, бешта қирувчи-бомбардимончи, иккита стратегик бомбардимончи ва бошқа ҳарбий самолётлар яқинлашган.

Фото: Getty Images

Хитой халқ озодлик армиясининг 22та самолёти Тайван ҳаво ҳужумидан мудофаа ҳудудига кирди. Бу ҳақда Тайван мудофаа вазирлиги хабар берди.

Хабарда айтилишича, оролга иккита кемаларга қарши самолёт, ўнта қирувчи, бешта қирувчи-бомбардимончи, иккита стратегик бомбардимончи ва бошқа ҳарбий самолётлар яқинлашган.

21 июн куни эса Тайван мудофаа вазирлиги ҳаво ҳужумидан мудофаа ҳудудига 29та ҳарбий самолёт кирганини маълум қилганди.

Тайван амалда Хитойдан айри давлат сифатида шаклланган, лекин расман «Хитой республикаси» номини сақлаб турибди. Мамлакатнинг ўз конституцияси, армияси ва сайланган ҳукумати бор. Фуқаролик уруши тугаши ва 1949 йил материкда коммунистлар ғалабасидан кейин сайланган ҳукуматини Тайван Хитойдаги ягона қонуний бошқарув органи деб билади.

Пекин Тайванни ўз провинцияси деб ҳисоблайди.