МДҲ мамлакатлари мудофаа вазирлари дунёдаги вазиятни таҳлил қилди

Москвада бўлиб ўтган МДҲ мамлакатлари мудофаа вазирлари йиғилишида Россия, Беларус, Озарбойжон, Арманистон, Қозоғистон, Қирғизистон, Тожикистон ва Ўзбекистон мудофаа вазирлари иштирок этди.

Фото: Россия мудофаа вазирлиги

МДҲ мамлакатлари мудофаа вазирлари дунёдаги ҳарбий-сиёсий вазиятни таҳлил қилди, деб маълум қилди Россия мудофаа вазири Сергей Шойгу.

"Ўзаро ҳамкорликда ҳарбий-сиёсий вазият, жумладан, Россия қуролли кучларининг Украинадаги махсус ҳарбий операциясини ҳисобга олган ҳолда батафсил таҳлил қилинди", - деди у.

Шойгунинг сўзларига кўра, вазирлар МДҲ давлатларининг мудофаа ва ҳарбий хавфсизлик соҳасидаги ҳамкорлигини янада ривожлантириш йўлларини белгилаб олди.

Хабар қилинишича, Москвада бўлиб ўтган МДҲ мамлакатлари мудофаа вазирлари йиғилишида Россия, Озарбойжон, Арманистон, Беларус, Қозоғистон, Қирғизистон, Тожикистон ва Ўзбекистон мудофаа вазирлари иштирок этди.