Президентнинг ваколат муддати 7 йилга узайтирилиши мумкин

Ўзбекистон президентининг ваколат муддатини 5 йилдан 7 йилга узайтириш таклиф этилмоқда. Бу – Конституцияни ўзгартириш бўйича қонун лойиҳасига киритилган.

Лойиҳа “Халқ сўзи” газетасининг бугун, 25 июл кунги сонида эълон қилинди. Лойиҳа электрон шаклда Meningkonstitutsiyam.uz порталига ҳам жойланиши кутилмоқда.

Қонун лойиҳаси ҳар бир бандга алоҳида изоҳ қолдириш мумкин бўлган regulation.gov.uz порталига жойлаштирилиши масаласи очиқ қолмоқда.

Аввалроқ Олий Мажлис Сенати раисининг биринчи ўринбосари Содиқ Сафоев Kun.uz'га берган интервюсида Конституцияга ўзгартиришлар киритилгач, “янги ҳуқуқий макон” яратилиши, натижада ҳар бир фуқаро, хусусан амалдаги давлат раҳбарида ҳам ўз номзодини президентликка илгари суриш имконияти бўлишини айтганди.

Шавкат Мирзиёев Конституцияга ўзгаришлар референдум ўтказиш орқали қабул қилинишини эълон қилган.

Маълумот учун, Ўзбекистон президентининг ваколат муддати 2011 йилда 7 йилдан 5 йилга қисқартирилганди.

Конституцияга таклиф этилаётган ўзгаришлар рўйхати

#Шавкат Мирзиёев #Конституция