Калининградга Литва орқали юк олиб ўтиш бир неча кундан сўнг тикланиши мумкин - Reuters

Қайд этилишича, ҳозирда Калининградни санкциявий режимдан чиқариш бўйича музокаралар кетмоқда.

Фото: Reuters

Калининградга Литва орқали юк олиб ўтиш бир неча кундан сўнг тикланиши мумкин, деб хабар берди Reuters агентлиги ўз манбаларига таяниб.

Агентликнинг ёзишича, ЕИ Вилнюс билан бу борада муросага келмоқда.

«Европалик амалдорлар Болтиқбўйи давлати билан муросага келаётгани боис Россиянинг Калининград эксклави билан Литва орқали савдо бир неча кун ичида изига тушиши мумкин», — деб ёзади агентлик.

Қайд этилишича, ҳозирда Калининградни санкциявий режимдан чиқариш бўйича музокаралар кетмоқда.

18 июнга ўтар кечаси Литва темирйўллари Европа иттифоқи санкциялари остига тушган катта рўйхатдаги товарлар транзитини тўхтатиб қўйди.

Россия хавфсизлик кенгаши Литвани жавоб чоралари ҳақида огоҳлантирди.