«Бизнинг болалар эмас, четдан келганлар таъсири билан шундай бўлди» — Президент билан учрашган нукуслик фуқаро

Президент Шавкат Мирзиёев Нукус шаҳридаги Жекетерек маҳалласи фуқаролари билан учрашди. "Ёмон ишлар бўлиб кетди, бизнинг болаларимиз эмас, четдан келганлар таъсири билан шундай бўлди" деди учрашувда президентга ўз фикрларини билдирган нуронийлардан бири.

Фото: Президент матбуот хизмати

«Ҳурматли Шавкат Миромонович, шундай қийин вақтда келганингиз учун минг раҳмат. Ёмон ишлар бўлиб кетди, бизнинг болаларимиз эмас, четдан келганлар таъсири билан шундай бўлди. Биз қорақалпоқ халқининг нуронийлари сиздан кечиримли бўлишингизни сўраймиз, қайтиб бундай бўлмайди.

Болаларимизни йиғиб, юриш-туришини назорат қиламиз. Халқни сийлаяпсиз, бу учун сизга раҳмат. Мана, келяпсиз, ўша моддалар ўзгармаслигини айтдингиз. Халқ қарши эмас, ҳаммасини тушуниб турибмиз», дейди фуқаро.