Таълимдаги тенгсизлик: Қизларни ўқитиш уларни турмушга тайёрлашдек муҳим

“Қиз бола ўқиб шаҳар олиб берармиди?” – қон-қонимизга сингиб кетган гап. Минг афсуски, ҳозир ҳам кўплаб ота-оналар шу фикрга қўшилади. Қизларни одобли, гап қайтармайдиган, “борган жойига сувдек сингиб кетадиган” қилиб улғайтириш ютуқ ҳисобланади. Айниқса аёлларимиз қизлари вояга етиши билан узатиш, “эгасига топшириб қутулиш”га шошиб қолишади.