Ўзбекистон | 07:32 / 09.08.2022
9942
2 дақиқада ўқилади
Молиявий назорат инспекцияси вазифалари белгиланди
Вазирлар Маҳкамасининг “Молия вазирлиги ҳузуридаги Давлат молиявий назорати инспекцияси фаолиятини ташкил этиш чора-тадбирлари тўғрисида”ги қарори қабул қилинди.
Давлат молиявий назорати департаменти негизида Молия вазирлиги ҳузуридаги Давлат молиявий назорати инспекцияси ва ҳудудий бошқармалари ташкил этилди.
- Ҳужжат билан Давлат молиявий назорати инспекцияси тўғрисидаги низом тасдиқланди. У қуйидагиларни белгилайди:
- инспекция мақоми, вазифалари ва функциялари ҳамда ҳуқуқлари ва жавобгарлиги;
- бюджет нормативларига риоя этилишини таъминлаш, бюджет ташкилотлари билан биргаликда тизимли равишда профилактика ишларини олиб бориш тартиби;
- масофавий назоратни фаол қўллаш ва ахборот технологияларидан фойдаланиш орқали фаолият самарадорлигини ошириш усуллари;
- давлат харидларида қонунчилик ҳужжатларида белгиланган талабларга риоя этилиши устидан молиявий назоратни амалга ошириш;
- тизимда коррупция ва бошқа қонунбузарликлар олдини олиш бўйича чоралар кўриш, уларни аниқлаш, таҳлил қилиш ва юзага келтирувчи омилларини бартараф этиш;
- инспекция фаолиятига оид маълумотлар ва назорат тадбирлари натижалари юзасидан ҳисоботларни кенг жамоатчиликка етказиб бориш.
Инспекцияни ижтимоий ривожлантириш ва ходимларни моддий рағбатлантириш жамғармаси тўғрисидаги низом тасдиқланди. У жамғарма маблағлари ҳисобини юритиш ва маблағлардан фойдаланиш мақсадлари, даромадлар ва харажатлар сметаларини тузиш, жамғарма маблағлари ҳисобидан инспекция ва ҳудудий бошқармалари ходимларини моддий рағбатлантириш тартибини белгилайди.
Мавзуга оид
13:37 / 06.09.2024
“Рақобат тўғрисида”ги қонунга ўзгартириш киритилди
12:09 / 25.08.2024
Олтин қимматлашди, Bitcoin нархи ҳам ошди – халқаро молия бозори шарҳи
11:36 / 04.08.2024
Bitcoin ва доллар арзонлашди, олтин қимматлашди – халқаро молия бозори шарҳи
09:05 / 31.07.2024