Сингапур рақамли мобил алоқа оператори Ўзбекистон билан ҳамкорликни йўлга қўймоқчи
Ўзбекистон иқтисодий ва сармоявий имкониятлари Сингапурда тақдим этилди.
Ўзбекистон элчихонасида Сингапурнинг йирик Food Empire компанияси кўмагида “Ўзбекистон замонавий иқтисодий ва сармоявий салоҳияти – Сингапур компаниялари учун янги бизнес имкониятлар” мавзусида давра суҳбати бўлиб ўтди, деб хабар бермоқда “Дунё”.
Унда Food Empire, Tech Storm, Wine Tatler, Universal Integrated Corporation Consumer Products, Zero1, Oceanus Group, SCash, Power Hero, Farquhar VC каби йигирмадан ортиқ компаниялар раҳбарлари, Enterprise Singapore давлат корпорацияси департаменти директори ўринбосари Икаи Яо иштирок этди.
Zero1 компанияси раиси ва таъсисчиси Стюарт Тан таъкидлашича, Сингапурдаги рақамли мобил алоқа оператори бўлмиш унинг компанияси виртуал рақамли мобил алоқа оператори сифатида Ўзбекистон билан ҳамкорликни йўлга қўйишдан манфаатдор.
Universal Integrated Corporation Consumer Products компанияси бошқарувчи директори Ко Хиап иқтисодиёт турли тармоқларида, қишлоқ хўжалиги соҳасида (чорвачилик, гўштни қайта ишлаш ва экспорт қилиш) ҳамкорликни йўлга қўйиш имкониятлари билан яқиндан танишиш учун ўз компанияси ходимларини Ўзбекистонга юборишга қизиқиш билдирди.
Мавзуга оид
21:03 / 31.08.2024
Сингапурда эркак хотини билан ажрашиш учун унинг машинасига каннабис ташлаб қўйгани аниқланди
14:02 / 24.08.2024
Сингапур компанияси Ўзбекистонга тўғридан тўғри чартер рейсларини амалга оширмоқчи
09:21 / 25.07.2024
“Тил билиш муҳим, лекин унинг шунчаки восита эканлигини унутмаслик керак” – Сингапурда PhD ёқлаган ўзбек олими
11:29 / 13.07.2024