Украин ҳарбийларининг янги ўлжалари, Белгородда қочқинлар лагери. Уруш суратлари

Украинадаги урушнинг 201-куни ўтди. Асосий маълумотлар:

Украина ҳарбийлари Шимолий Доннинг чап соҳилидаги Святогорск шаҳри озод этилганини хабар қилишди, россияликлар бу шаҳарни июн ойида эгаллашганди. «ДХР» раҳбари Денис Пушилин ҳозирча шаҳар томонларнинг ҳеч бири томонидан «тўлиқ назорат қилинмаётгани»ни маълум қилган.
Украина армиясининг «Жануб» оператив қўмондонлиги сўнгги икки ҳафтада Херсон областида 13 та аҳоли пунктлари озод этилиб, 500 кв.км ҳудуд Украинага қайтарилганини эълон қилди. Бешта аҳоли пунктлари номма-ном келтирилган: шимолда Днепропетровск област билан чегара ҳудудидаги Високопиля, Нововознесенске ва Миролюбивка, жануброқда Миколайив области чегарасидаги Билогирка ва Сухий Ставок.
Украина прокуратураси Чугуйив районидаги озод этилган Зализничное қишлоғида тинч аҳоли вакиллари бўлган тўрт киши жасади топилган - уларда қийноқ излари аниқланган.
Россиянинг Белгород области губернатори Вячеслав Гладков душанба куни тонгда украин ҳарбийлари артиллериядан россияликларнинг Логачёвка қишлоғидаги чегара пунктини ўққа тутганни хабар қилди, натижада кекса ёшли аёл ҳалок бўлиб, яна тўрт киши яраланган.
Украина президенти Володимир Зеленский Россия Европага электр энергияси экспорт қилмаслиги учун Украинанинг энергетика объектларига ракета зарбалари бераётганини айтди.
Украина вице-премьери Ирина Верешчук озод этилган ҳудудларда бу ерга Россия дастури бўйича дарс бериш учун келган россиялик ўқитувчилар қўлга олингани — энди улар суд қилиниши ва уруш урф-одатларини бузгани учун 12 йилгача қамалиши мумкинлигини айтди.
Қрим раҳбари Сергей Аксенов тармоқда Боғчасаройдаги тўйлардан бирида «Червона Калина» қўшиғи куйлангани акс этган видео тарқалгач, «националистик мадҳияларни куйлаганлар»га жиноий иш очиш билан таҳдид қилди
Москва ва Санкт-Петербургнинг 18 округидаги муниципал депутатлар РФ президенти Владимир Путиннинг истеъфоси талаб этилган баёнотни имзолашди.

Қуйида 12 сентябр куни Украинанинг турли ҳудудларида олинган суратлар.

Харкив ўққа тутилиши оқибатлари