«Россия молиявий томондан қодир эмас». Шарқда Путиннинг сафарбарлик қарори қандай кутиб олинди? 

Россия президенти Владимир Путиннинг сафарбарлик ҳақидаги қарори Украинани қўллаб-қувватлаётган Ғарб давлатлари томонидан кескин қораланган эди. Аммо Кремль хўжайинининг юз минглаб одамларни армияга жалб қилиш нияти, Украина ҳудудларига эгалик қилиш даъвоси ва ядровий таҳдидлари Шарқда ҳам танқидларга учради. Ваҳоланки, Москва Ғарб давлатларига мутаносиб «кўп қутбли дунёни» яратишда Шарқнинг қўллаб-қувватлашини кутган эди.