Бразилиядаги кўприкда тирбандлик юз бериши бир неча кишининг ўлимига олиб келди

Машиналар кўприкда пайдо бўлган ёриқни четлаб ўтгани сабабли тирбандлик ҳосил бўлган. Кўприкда бир нечта автомобил тўхтаб туриши натижасида у қулаб тушган.

Фото: William Duarte / Rede Amazônica

Бразилия шаҳарларидан биридаги кўприкда автомобиллар тирбандлиги бир неча кишининг ўлимига олиб келди: кўприк қулаши оқибатида уч киши ҳалок бўлди, деб хабар берди Globo.

Хабарда айтилишича, фожиа Карейро шаҳрида юз берган.

Гувоҳларнинг сўзларига кўра, машиналар кўприкда пайдо бўлган ёриқни четлаб ўтгани сабабли тирбандлик ҳосил бўлган. Кўприкда бир нечта автомобил тўхтаб туриши натижасида у қулаб тушган.

Оқибатда 12та автомобил сувга тушиб кетган. Уч киши ҳалок бўлган, 14 киши жароҳатланган. Штат фавқулодда хизматининг маълум қилишича, 15 киши бедарак йўқолган деб ҳисобланмоқда.