5 октябрдан Бухоро - Хива - Бухоро поезди ҳаракати тикланади

Жорий йил 5 октябр санасидан Бухоро - Хива - Бухоро йўловчи поезди ҳаракати тикланади.

Фото: Kun.uz

Поезд 5 октябрдан 13 ноябргача ҳафтанинг чоршанба, жума ва якшанба кунларидан бошлаб Бухородан, 6 октябрдан 14 ноябргача ҳафтанинг пайшанба, шанба ва душанба кунларидан бошлаб Хивадан жўнайди.

Ҳаракат жадвали: Бухоро (12:10) - Хива (19:29), Хива (07:52) - Бухоро (15:16).

Қўшимча маълумотни Тошкент шаҳридаги 1005 қисқа телефон рақами, жойлардаги темирйўл кассалари ҳамда маълумотлар бюросидан билиб олиш мумкин.