Қишлоқ хўжалиги соҳасида ўқув-тажриба хўжаликлари ташкил этилади

Вазирлар Маҳкамасининг “Қишлоқ хўжалиги соҳасида ўқув-тажриба хўжаликларини ташкил этиш чора-тадбирлари тўғрисида”ги қарори қабул қилинди.

Ҳужжат қуйидагиларни назарда тутади:

• ташкил этилаётган ўқув-тажриба хўжаликлари учун 279 гектар ер майдони ажратиш;
• ушбу ерларни 30 йил муддатга ижара ҳуқуқида бериш;
• ушбу ерларда қишлоқ хўжалиги экинларини экиш ва етиштиришни ташкил этиш, мониторинг қилиш илмий асосланган усулларини қўллаш;
• спекторли камералар билан жиҳозланган дронларда олинган суратларга ишлов бериш орқали қишлоқ хўжалиги экинларини мониторинг қилиш бўйича таклифларни ишлаб чиқиш.

Ҳужжат 1 089 гектар суғорилмайдиган ер майдонларини Чимбой туман ҳокимлиги (Қорақалпоғистон) захирасига қайтариш ва кейинчалик очиқ электрон танлов асосида қишлоқ хўжалиги маҳсулотларини етиштириш учун ажратишни кўзда тутади.