Ўзбекистонликлар туристик мақсадларда энг кўп қайси давлатларга бораётгани маълум қилинди

2022 йилнинг 1 октябрь ҳолатига 3,9 млн нафар Ўзбекистон Республикаси фуқаролари туристик мақсадларда хорижга сафар қилган.

Давлат статистика қўмитаси маълумотларига кўра, ўзбекистонликлар туристик мақсадларда энг кўп сафар қилган давлатлар орасида Қирғизистон етакчилик қиляпти – 1,8 млн.

Кейинги ўринлардан мос равишда 774,1 минг нафар ва 535,1 минг нафар нафар ўзбекистонлик сафар қилган Қозоғистон ҳамда Тожикистон жой олди.

Ушбу кўрсаткич қолган давлатлар кесимида қуйидагича кўриниш олди:

• Туркия – 239,1 минг нафар;
• Россия – 195,7 минг нафар;
• БАА – 85,0 минг нафар;
• Саудия Арабистони – 51,2 минг нафар;
• Миср – 29,6 минг нафар;
• Жанубий Корея – 16,8 минг нафар;
• АҚШ – 12,6 минг нафар;
• Ҳиндистон – 7,7 минг нафар;
• Грузия – 7,5 минг нафар.