Гурлан туманига янги ҳоким тайинланди

Умрбек Жуманиязов Хоразм вилояти Гурлан тумани ҳокими лавозимига тасдиқланди.

Фото: Хоразм вилояти ҳокимлиги

24 октябр куни Халқ депутатлари Гурлан туман Кенгашининг навбатдан ташқари 66-сессияси бўлиб ўтди. Сессияда вилоят ҳокими Фарҳод Эрманов сўзга чиқиб, туманнинг ижтимоий-иқтисодий ривожлантириш кўрсаткичларини таҳлил қилди, мавжуд муаммолар ва уларни бартараф қилиш бўйича галдаги вазифаларга тўхталди.

Сессияда ташкилий масала кўрилди. Умрбек Маткаримович Жуманиязов Гурлан тумани ҳокими лавозимига тасдиқланди.

Тайинловга қадар у «Микрокредитбанк» АТБ бошқаруви раиси ўринбосари вазифасида ишлаб келган.

2020 йил апрелидан буён Гурлан тумани ҳокими лавозимида ишлаб келган Муроджон Ачилов 2022 йил ёзида Хоразм вилояти ҳокимининг биринчи ўринбосари этиб тайинланганди.

#тайинлов #Гурлан тумани #Умрбек Жуманиязов