Qoʻshimcha funksionallar
-
Tungi ko‘rinish
Gurlan tumaniga yangi hokim tayinlandi
Umrbek Jumaniyazov Xorazm viloyati Gurlan tumani hokimi lavozimiga tasdiqlandi.
Foto: Xorazm viloyati hokimligi
24 oktyabr kuni Xalq deputatlari Gurlan tuman Kengashining navbatdan tashqari 66-sessiyasi bo‘lib o‘tdi. Sessiyada viloyat hokimi Farhod Ermanov so‘zga chiqib, tumanning ijtimoiy-iqtisodiy rivojlantirish ko‘rsatkichlarini tahlil qildi, mavjud muammolar va ularni bartaraf qilish bo‘yicha galdagi vazifalarga to‘xtaldi.
Sessiyada tashkiliy masala ko‘rildi. Umrbek Matkarimovich Jumaniyazov Gurlan tumani hokimi lavozimiga tasdiqlandi.
Tayinlovga qadar u «Mikrokreditbank» ATB boshqaruvi raisi o‘rinbosari vazifasida ishlab kelgan.
2020 yil aprelidan buyon Gurlan tumani hokimi lavozimida ishlab kelgan Murodjon Achilov 2022 yil yozida Xorazm viloyati hokimining birinchi o‘rinbosari etib tayinlangandi.
