Қўшимча функционаллар
-
Тунги кўриниш
Самарқандда Теlegram’да қиз бола номидан саҳифа очиб товламачилик қилган йигит ушланди
Талаба йигит билан Теlegram мессенжерида танишган қиз аслида товламачи йигит бўлиб чиққан. Бу ҳақда ИИВ Киберхавфсизлик маркази хабар бермоқда.
Фото: Global Look Press/Thomas Trutschel
Маълум қилинишича, Бухоро вилояти Ғиждувон туманида яшовчи талаба Ф.Б. ички ишлар органларига ариза билан мурожаат қилиб, ўзига нисбатан товламачилик қилаётган қизга қонуний чора кўришни сўраган.
У ўз аризасида Теlegram’да ўзини "Тожибоева Райҳон" деб таништирган шахсга бошқалар кўриши мумкин бўлмаган шахсий фотосуратларини ишониб, мессенжер орқали юборганини, шундан сўнг қиз фотосуратларни ижтимоий тармоқлар орқали тарқатмаслик учун 900 минг сўм пул сўраётганини маълум қилган.
Тезкор-қидирув тадбирлари натижасида ўзини "Тожибоева Райҳон" деб таништирган шахс Самарқанд вилояти Оқдарё туманида яшовчи, 1999 йилда туғилган Ж.Ш. экани аниқланган.
Қайд этилишича, Ж.Ш.га нисбатан Жиноят кодексининг 165-моддаси билан жиноят иши қўзғатилиб, тергов ҳаракатлари олиб борилмоқда.
Аввалроқ, Жиззах вилояти Пахтакор туманида яшовчи 16 ёшли мактаб ўқувчиси Теlegram’да сохта автокредит гуруҳи очиб, фуқаронинг пулини ўзлаштиргани аниқланганди.
Мавзуга оид
21:36 / 13.06.2024
Қўнғирот тумани ИИБ бошлиғи ўринбосари товламачиликда гумонланиб қўлга олинди
15:48 / 07.03.2024
Қашқадарёда уч блогер ҳибсга олинди. Улар товламачиликда гумонланмоқда
14:37 / 03.02.2024
Тошкентда фоизга пул бериб, қарздорларнинг уй-жойларини тортиб олиш билан шуғулланган шахс ушланди
09:05 / 21.01.2024