Ўзбекистон Каспий ва Қора денгизлари орқали Европага юк етказиб беришни бошлади

16 декабрь куни «ОГМК» АЖ юкларидан иборат биринчи контейнер блокли поезд Болгариянинг Бургас бандаргоҳига жўнаб кетди.

Ушбу юк поезди мис концентрати ортилган 46 вагон ва 91 дона 20 футлик контейнердан иборат. Мис концентрати бўлган биринчи поезд умумий масофаси 4000 кмдан ортиқ бўлган йўналишни қамраб олади.

Контейнер поезди «Ўзбекистон – Туркманистон – Озарбойжон – Грузия – Болгария/Европа» йўналиши бўйлаб ҳаракатланади.

Ушбу поезд ҳаракатланиши хорижий ҳамкорлар - Туркманистоннинг «ТЛЦТ», Озарбойжоннинг «ADY Container LLC» ва Грузиянинг «GR Logistics and Terminals» компаниялари билан ўзаро ҳамкорликда ташкил этилди.