Айрим фаолият билан томорқасида шуғулланганлар расмий банд аҳоли тоифасига киритилади

Ўзининг шахсий томорқа ер участкасида қатор фаолият турлари билан шуғулланаётган фуқаролар расмий банд бўлган аҳоли тоифасига киритилади ва ушбу давр уларнинг меҳнат стажига қўшилади.

Бунда, улар томонидан йилига БҲМнинг камида 1 баравари (300 минг сўм) миқдорида ижтимоий солиқ тўланиши лозим. 

Ушбу фаолият турлари қуйидагилар:

• чорвачилик (қорамол, қўй, эчки, от ва бошқалар);
• иссиқхона;
• паррандачилик (бедана, курка, ғоз, ўрдак);
• қуёнчилик;
• асаларичилик;
• балиқчилик;
• боғдорчилик;
• лимончилик;
• гулчилик.