Ўқувчилар кимё, физикани яхши ўқиётганмиди? – ҳайпга айланган фикр ва асл аҳволимиз

Ўзбекистон Миллий медиа ассоциацияси раиси Шерзод Қудратхўжанинг физика ва кимё фанлари ўрнига креатив фанлар қўйиш кераклиги ҳақидаги фикрини деярли ҳамма танқид қилмоқда. Айни шу мавзу кўтарилганда янги ташкил этилган Мактаб ва мактабгача таълим вазирлиги бу фан дарсликлари, ўқитиш методларини бир кўриб чиқар балки. Сабаби бу фанлардан ўқувчиларнинг ўзлаштириши ҳавас қиларли эмас.