Украинадаги уруш G20 йиғилишининг муҳим мавзуси бўлади

Россия ва Украина ўртасидаги можаро Нью-Деҳлида бўлиб ўтадиган G20 йиғилиши иштирокчилари диққат марказида бўлади, деди Ҳиндистон ташқи ишлар вазири. Урушнинг иқтисодий оқибатларига ҳам худди шундай жиддий эътибор қаратилади, деди у.

Фото: Getty Images

Россия-Украина можароси G20 мамлакатлари ташқи ишлар вазирлари учрашувида муҳокама қилинадиган асосий мавзулардан бири бўлади, бироқ Украинадаги уруш фонида иқтисодий муаммоларга ҳам эътибор қаратилади, деди чоршанба, 1 март куни, Нью-Деҳлида Ҳиндистон ташқи ишлар вазири Винай Кватра.

«Россия-Украина можаросидаги вазиятнинг табиати ва эволюциясини инобатга олган ҳолда, бу муҳим муҳокама мавзуси бўлади, аммо озиқ-овқат, энергетика ва ўғитлар соҳасидаги хавфсизлик билан боғлиқ масалаларга ҳам тегишли эътибор қаратилади», - дея тушунтирди Кватра.

G20 ташқи ишлар вазирларининг Нью-Деҳлидаги учрашуви кечки пайт кечки овқат билан бошланади, муҳокамаларнинг ўзи 2 март куни бўлиб ўтади. Уларда 40 та давлат вазирлари, жумладан, Россия ташқи ишлар вазири Сергей Лавров, АҚШ Давлат котиби Энтони Блинкен ва Хитой ташқи ишлар вазири Жин Ганг иштирок этади.

Нью-Деҳлидаги конференция Россиянинг Украинага қарши уруши соясида қолган G20 молия вазирларининг Ҳиндистон Бангалоридаги учрашувидан бир неча кун ўтиб бўлиб ўтади.

Тайёрлаган Отабек Матназаров

#Украина #G20

2020 йил март ойи охирида украиналик ҳарбийлар Донбассдан берилган артиллерия зарбалари қурбони бўлди. Апрель ойи бошида Россия Украина билан чегарада қўшинларини тўплай бошлади.