Германия Швейцариядан Leopard 2 танкларини сотиб олмоқчи

Фото: Picture Alliance

Харид қилинган Leopard’лар ёрдамида Германия Украинага танк етказиб берувчи мамлакатларда етишмовчиликни қоплашни режалаштирмоқда. Швейцария армияси Германия ҳукуматининг тегишли аризасини кўриб чиқишни бошлади.

Германия Швейцариядан ушбу давлатда сақланаётган Leopard 2 танкларини сотиб олмоқчи. Германия мудофаа вазири Борис Писториус ва иқтисодиёт вазири Роберт Хабек 23 февралдаги мактубида Швейцария иқтисодиёт вазири Виола Амҳерддан шартномани тасдиқлашни сўради, деб ёзади Швейцариянинг Blick газетаси жума, 3 март куни.

Германия ҳукуматининг режаларига кўра, 96 та фойдаланишдан чиқарилган Leopard 2 танклари немис ишлаб чиқарувчиси Rheinmetall’га қайтарилиши керак. Германия бу танклар Украинага танк етказиб берувчи ЕИ ва НАТО мамлакатлари арсеналидаги ускуналар етишмаслигини қоплайди деган фикрда, деб таъкидлайди Blick.

Нашр маълумотларига кўра, Швейцария армияси ўзида сақланаётган Leopard’ни Германияга сотиш масаласини дастлабки кўриб чиқишни бошлаган. Швейцария ҳарбий вакили Blick нашрига унинг армияси чекланган миқдордаги жанговар танкларни бериши мумкинлигини айтди, аммо ўз эҳтиёжлари учун 34 та танк керак.