Кучли ёғингарчилик ва қурғоқчиликка юз тутаётган дунё – фотожамланма

Ҳозирда дунё аҳолисининг 3,6 миллиарди сув танқислигидан азият чекади. Бутунжаҳон метеорология ташкилотининг прогнозларига кўра, 2050 йилга бориб бу кўрсаткич 5 млрд нафардан ошади: Ер шаридаги 60 фоиздан кўпроқ инсон мана шу муаммо билан юзлашади.

Шуларнинг олдини олиш, тоза сув ресурсларини муҳофаза қилиш ва сақлаб қолиш муҳимлигини одамларга тушунтириш, турли лойиҳаларни ишлаб чиқиш мақсадида ҳар йили 22 март санаси “Бутунжаҳон сув ресурслари” куни сифатида нишонлаб келинади.

Умумжаҳон сув ресурслари кунини ўтказиш ғояси илк бор 1992 йилда Рио-де-Жанейрода бўлиб ўтган БМТнинг атроф-муҳит ва ривожланиш бўйича конференциясида (UNCED) берилган.

БМТ Бош Ассамблеясининг 1993 йил 22 февралдаги қарори билан 22 март Умумжаҳон сув ресурслари куни деб эълон қилинган. БМТнинг Атроф-муҳит ва тараққиёт конференциясининг тавсияларига асосан бу кун 1993 йилдан буён нишонлаб келинади.

Бу кун аҳолини ичимлик суви билан таъминлаш муаммосини ҳал қилиш бўйича тегишли чоралар қабул қилинишида ташаббус кўрсатиш ҳамда сув ресурсларини сақлаб қолиш қанчалик муҳимлигини одамларга яна қайта эслатиш мақсадида нишонланади.

Сана муносабати билан Reuters нашри дунё мамлакатларининг сув билан боғлиқ ҳолатни кўрсатувчи фоторепортаж эълон қилди.

Бир неча кунлик ёмғирлар сабаб юзага келган сув тошқинлари натижасида автомобилнинг ярми кўриниб турган иденфикация рақами/ АҚШ, Калифорния, Пажаро / 14 март 2023 йил / Фото: Reuters/ Карлос Баррия

Кобулдаги қор қоплаган кўчадан бўш сув идишларини кўтариб кетаётган афғон қизи / Афғонистон, Кобул / 26 январ 2023 йил / Фото: Reuters / Али Хара

Каталонияда қурғоқчилик сабаб ичимлик суви захираси 1990 йилдан бери энг паст даражага тушиб кетди, балиқчилар бунинг оқибатида Сау сув омборидаги балиқларни йиғиб олмоқда / Испания, Каталония, Вик шаҳри /15 март 2023 йил / Фото: Reuters/ Начо Доче

Прайя-ду-Норти пляжи тўлқинларида сузаётган сёрфер / Португалия, Назаре 28 феврал 2023 йил / Фото: Reuters / Педро Нунес

Франция бу йил рекорд даражадаги қуруқ қишни бошидан ўтказди, эндиликда одамлар ёзда қурғоқчилик ва сув танқислиги муаммоси юзага келишидан хавфсирамоқда.