Дунё иқтисодиётининг қон томири: Европа ва Осиёни боғлайдиган Сувайш эрамиздан аввал ҳам бўлганми?

2021 йил 23 март куни Малайзиядан Голландияга юк олиб кетаётган Тайваннинг Evergreen Marine компаниясига қарашли Ever Given супертанкери Сувайш каналида тиқилиб қолди. Канал вақтинча ёпилди, кемалар узоқ йўл босиб, Африка жанубидан айланиб ўтишга мажбур бўлди. Бир неча кун давомида кеманинг атрофи қумдан тозаланиб, уни ҳаракатга келтиришди. Ўшанда Сувайшнинг бир ҳафтага ёпилиши жаҳон иқтисодиётига бир неча юз миллиард доллар зарар келтирди. Кема эгаси бўлган компания эса Мисрга қарийб 1 млрд доллар товон пули тўлади.