Шавкат Мирзиёев инвесторларга: “Сизларга президент сифатида кафолат бераман”

“Сизлар ўзингиз истаган тинчлик ва барқарорлик, қулай инвестиция муҳити ҳамда зарур кафолатларни айнан бизнинг юртимизда топасиз”, – деди президент Тошкент инвестфоруми иштирокчиларига қарата.

Фото: Президент матбуот хизмати

Президент Шавкат Мирзиёев II Тошкент халқаро инвестиция форумидаги нутқи якунида форум иштирокчиларига мурожаат қилди.

“Ишончим комил, бўлиб ўтаётган мулоқотлар орқали Янги Ўзбекистондаги бизнес учун беқиёс имкониятларни кашф қиласизлар. Янги-янги ҳамкорлар топасизлар, деб ишонаман.

Сизлар ўзингиз истаган тинчлик ва барқарорлик, қулай инвестиция муҳити ҳамда зарур кафолатларни айнан бизнинг юртимизда топасиз. Мен буни алоҳида айтмоқчиман. Қандай ҳамкорлик топсаларингиз ҳам, қандай режалар қилсаларингиз ҳам, мен бунга президент сифатида кафолат бераман.

Янги Ўзбекистон сизнинг бизнес фаолиятингизда алоҳида ёрқин из қолдирадиган макон бўлиб хизмат қилади, деб ишонаман”, – деди давлат раҳбари.

#инвестиция #Шавкат Мирзиёев