Бокс бўйича жаҳон чемпионати. Бугун яна 4 нафар ўзбекистонлик финалда жанг қилади

Фото: Бокс федерацияси

Тошкент мезбонлик қилаётган бокс бўйича жаҳон чемпионатининг сўнгги кунида финал жанглари ўтказилади.

14 май куни тўрт нафар ўзбекистонлик боксчи ҳал қилувчи баҳслар учун рингга кўтарилади:

-54 кг: Ойбек Жўраев — Маҳмуд Сабирхан (Қозоғистон);
-57 кг: Абдумалик Ҳалоков — Саидел Ҳорта (Куба);
-63,5 кг: Руслан Абдуллаев — Чинзориг Батарсух (Мўғулистон);
-71 кг: Саиджамшид Жаъфаров — Асланбек Шимбергенов (Қозоғистон).

Финал жанглари соат 17:00 да бошланади.

13 май куни Ўзбекистон делегация вакиллари Баҳодир Жалолов (+92 кг), Ҳасанбой Дўстматов (-51 кг) ва Асадхўжа Мўйдинхўжаев (-67 кг) финалда ғалаба қозониб, жаҳон чемпионига айланганди.