«Генерал асирни ўлдирди, мен фотоаппаратим билан генерални ўлдирдим» – Вьетнам урушининг шафқатсизликлари тасвирланган сурат тарихи

1968 йилда Вьетнам урушида полиция генерали асирга тушган партизанни сўроқ қилмасдан отиб ташлайди. Жараённи америкалик мухбир суратга олишга улгуриб қолади. Сурат эълон қилингач генерал шафқатсизликда айбланади ва қолган умрини таҳдидлар остида ўтказади. Мухбир эса Пулитцер мукофотига лойиқ кўрилади. Кўп ўтмай ҳодиса тафсилотидан хабар топган мухбир мукофотдан воз кечади ва суратни тарқатгани учун генералдан кечирим сўрайди.