Қўшимча функционаллар
-
Тунги кўриниш
Фойдаланилмаётган объектлар эгаларига оширилган солиқ ставкаси қўлланиши бекор қилинади
Қонунчилик палатасининг мажлисида “Солиқни ҳисоблаб чиқариш тартибининг айрим қоидалари такомиллаштирилиши муносабати билан Солиқ кодексига ўзгартиш ва қўшимчалар киритиш тўғрисида”ги қонун лойиҳаси кўриб чиқилди.
Қонун лойиҳаси билан республиканинг 11 та вилоятидаги 47 та “шароити оғир” бўлган туманлар учун вақтинчалик солиқ имтиёзларини бериш кўзда тутилмоқда. 2025 йил 1 январгача мазкур туманларда янгидан ташкил этилган ва фаолият олиб бораётган тадбиркорлик субъектлари учун айланмадан олинадиган солиқ ставкаси 1 фоиз қилиб белгиланмоқда.
Фойдаланилмаётган объектлар эгаларига нисбатан мол-мулк ва ер солиғининг оширилган ставкалари қўлланишини бекор қилиш, давлат органларига, муассаса ва ташкилотларига доимий фойдаланиш ҳуқуқи билан ажратилган ва улар томонидан бошқа ташкилотларга ижарага берилган ерларни солиққа тортиш тартибини такомиллаштириш, ерлардан кадастр ҳужжатлари мавжуд бўлмаган ёхуд ер участкасига бўлган ҳуқуқни тасдиқловчи ҳужжатларда кўрсатилганидан каттароқ ҳажмда фойдаланилганда уй-жой эгалари учун уч карра оширилган ставкада ер солиғини ҳисоблаш тартиби қўлланишини тўхтатиб туриш назарда тутилмоқда.
Электротехника тармоқ корхоналарининг ихтисослаштирилган марказларини қўллаб-қувватлаш орқали инновацион технологиялар жорий этилишини рағбатлантириш кўзда тутилмоқда.
Муҳокамалардан кейин қонун лойиҳаси биринчи ўқишда концептуал жиҳатдан қабул қилинди.
Мавзуга оид
07:50 / 24.10.2024
Давлат мулки объектларини “нол” харид қиймати бўйича реализация қилиш тартиби бекор этиляпти
19:23 / 31.08.2024
Сўхда бозор, Сариосиёда кичик ГЭС ва Навоийда спорт иншоотлари – байрам арафасида қандай объектлар фойдаланишга топширилди?
15:21 / 18.03.2024
Қашқадарёда айрим тарихий объектлар йўқолиб кетиш хавфи остида экани айтилди
07:23 / 29.09.2023