Ҳокимликлар тадбирларни молиялаштиришга оид маълумотни очиқ эълон қилади

Қонунчилик палатасининг навбатдаги мажлиси бўлиб ўтди. Унда депутатлар бир қатор қонун лойиҳаларини кўриб чиқди.

Фото: Қонунчилик палатаси

Иккинчи ўқишда кўриб чиқилган “Бюджет кодексига қўшимча ва ўзгартиришлар киритиш тўғрисида”ги қонун лойиҳаси билан туманлар ва шаҳарлар ҳокимликлари жамоатчилик фикри асосида шакллантирилган тадбирларни молиялаштириш тўғрисидаги маълумотларни ўз сайтлари ҳамда “Очиқ бюджет” ахборот порталига жойлаштириши назарда тутиляпти.

Депутатлар фикрича, қонун лойиҳаси қабул қилиниши молиявий назоратни такомиллаштириш, бюджет жараёни очиқлигини таъминлашга хизмат қилади. Моддама-модда муҳокамалардан сўнг лойиҳа депутатлар томонидан қабул қилинди.

Бундан ташқари, мажлисда кўриб чиқилган барча масалалар юзасидан тегишли қарорлар қабул қилинди.