Hokimliklar tadbirlarni moliyalashtirishga oid ma’lumotni ochiq e’lon qiladi

Ikkinchi o‘qishda ko‘rib chiqilgan “Budjet kodeksiga qo‘shimcha va o‘zgartirishlar kiritish to‘g‘risida”gi qonun loyihasi bilan tumanlar va shaharlar hokimliklari jamoatchilik fikri asosida shakllantirilgan tadbirlarni moliyalashtirish to‘g‘risidagi ma’lumotlarni o‘z saytlari hamda “Ochiq budjet” axborot portaliga joylashtirishi nazarda tutilyapti.    

Deputatlar fikricha, qonun loyihasi qabul qilinishi moliyaviy nazoratni takomillashtirish, budjet jarayoni ochiqligini ta’minlashga xizmat qiladi. Moddama-modda muhokamalardan so‘ng loyiha deputatlar tomonidan qabul qilindi.  

Bundan tashqari, majlisda ko‘rib chiqilgan barcha masalalar yuzasidan tegishli qarorlar qabul qilindi.