Россия президентининг махфий фармонлари сони кескин ошди - ОАВ

Пригожин исёни ва Украинанинг қарши ҳужуми фонида Путин 1999 йилдан бери рекорд даражадаги махфий фармонларни имзолади, деб ёзади «Медиазона».

Фото: kremlin.ru

Нашр маълумотларига кўра, фақатгина 2023 йилнинг июль ойида Россия президенти имзолаган ҳужжатларнинг 62 фоизи эълон қилинмаган.

Замонавий Россия тарихида фақат бир марта махфий фармонларнинг улуши бироз юқори бўлган - 1999 йил январь ойида 64 фоизни ташкил этган.

«Медиазона»нинг таъкидлашича, махфий фармонлар кўпинча жанговар ҳаракатлар иштирокчиларини, шу жумладан вафотидан кейин мукофотлаш билан боғлиқ бўлади.

2022 йил мартида Россия ҳарбий ҳаракатларининг бошида махфий фармонларнинг улуши 54 фоизга етган.