Ўзбекистон Париж-2024 олимпиадаси илк йўлланмасига эга бўлди

Бадиий гимнастика бўйича жаҳон чемпионатида ўзбекистонлик спортчи муваффақиятли иштирок этди.

Фото: МОҚ

Испаниянинг Валенсия шаҳрида ўтаётган бадиий гимнастика бўйича жаҳон чемпионатида Тахмина Икромова Ўзбекистон делегацияси учун Париж-2024 ёзги Олимпия ўйинларининг илк йўлланмасини қўлга киритди.

Спортчи кўпкураш дастурида 4 та машқ якунидан сўнг 124,2 балл билан 9-ўринни эгаллади. Натижада Икромова Париж-2024 Олимпиадасига йўлланма берувчи 14 таликдан жой олди. Шунингдек, спортчи булава ва тасмадаги машқда финал босқичига йўл олди.

Париж-2024 ёзги Олимпия ўйинлари 2024 йил 26 июль – 11 август кунлари ўтказилади.