Пахта терими учун янги нархлар ҳали тасдиқланмагани маълум қилинди
Қишлоқ хўжалиги вазирлиги ижтимоий тармоқларда тарқалган “Пахта терими учун янги тўлов нархлари эълон қилинди” сарлавҳали хабарни рад этди. Вазирликка кўра, пахта теримига нарх белгилаш масаласи айни кунларда вазирликлараро келишув жараёнида.
Қайд этилишича, пахта терими учун тўлов нархлари ҳар йили мавсум бошланишидан аввал, муайян бир муддатда белгиланади ва ҳукумат томонидан тасдиқланади. Теримнинг ҳар бир тури учун алоҳида сумма белгиланади, сўнг барча ОАВ орқали эълон қилинади.
“Айни кунларда пахта теримига нарх белгилаш бўйича ишлар вазирликлар билан келишув жараёнида. Бунда унинг биринчи ва иккинчи терими учун (навларини ҳисобга олиб) қанча нарх белгиланиши аниқ кўрсатилади.
Хулоса сифатида шуни айтиш мумкинки, ҳозирги тарқалган хабарлар ҳақиқатга тўғри келмайди”, – дейилади Қишлоқ хўжалиги вазирлиги маълумотида.
Мавзуга оид
14:01 / 13.10.2024
“Кўп нарса ҳокимларнинг савиясига боғлиқ” — ватанга қайтган инвестор қандай тўсиқларга учради?
18:02 / 10.10.2024
Шаҳрисабзда аҳолини пахта теришга мажбурлаган маҳалла раиси салкам 19 млн сўм жаримага тортилди
20:54 / 09.10.2024
Қишлоқ хўжалиги вазирининг яна бир собиқ ўринбосари коррупционер деб топилди
19:45 / 09.10.2024