Тошкентда қурувчи 10 туп дарахтни қасддан қуритгани аниқланди
Етказилган зарар миқдори 250 млн сўмга яқин.
Тошкент шаҳри, Мирзо Улуғбек тумани, Шаҳриобод кўчасидаги қурилиш майдонида A.G. корхонаси 6 туп мевали ва 4 туп манзарали дарахтнинг қуриб қолишига шароит яратган. Бу ҳақда Тошкент шаҳри Экология бошқармаси хабар берди.
Қайд қилинишича, Экология бошқармаси ходимлари томонидан 2023 йил феврал ойида қурилиш майдонидаги 30 туп дарахт хатловдан ўтказилган. Корхона эса дарахт ва буталарга шикаст етказиш, қуриб қолишига шароит яратиш ёки қуриб қолиши учун кимёвий моддаларни тўкиш ҳамда дарахтларни ноқонуний кесилиши қонунда белгиланган тартибда жавобгарликка сабаб бўлиши мумкинлиги тўғрисида огоҳлантирилган.
Шунга қарамай, қурилиш ишларини олиб бориш жараёнида қонун бузилиши ҳолатига йўл қўйилган: 3 туп ўрик, 2 туп гилос, 1 туп хурмо дарахти ҳамда 3 туп чинор, 1 туп шумтол дарахти ўсишдан тўхтайдиган даражада шикаслантирилган. Экология бошқармаси етказилган зарар миқдорини 248 млн 94 минг сўмга баҳолаган.
Иш юзасидан тўпланган ҳужжатлар ҳуқуқий баҳо берилиши мақсадида прокуратура органларига тақдим этилгани айтилмоқда.
Мавзуга оид
18:43 / 12.10.2024
Ўзбекистоннинг кўп асрлик дарахтлари махсус халқаро рўйхатга киритилди
19:01 / 11.10.2024
Мораторий даврида Тошкентда 800 туп мевали ва манзарали дарахт нобуд қилинди. Нега?
15:22 / 02.10.2024
Учтепада 20га яқин кўп йиллик дарахтларга заҳарли модда қуйилган. Аҳоли айбдор топилишини хоҳлайди
19:23 / 25.09.2024