Зеленский БМТ Бош ассамблеяси сессиясида иштирок этиш учун АҚШга етиб борди
Украина президенти Володимир Зеленский Нью-Йоркда БМТ Бош ассамблеясининг 78-сессиясидаги нутқи олдидан АҚШга етиб борди.
«Мен аэропортдан тўғри Америкада даволанаётган ва реабилитация қилинаётган аскарларимиз олдига кетяпман», — деб ёзди Украина давлат раҳбари ўзининг Telegram-каналида.
Бундан ташқари, Зеленский АҚШ президенти Жо Байден, Конгресснинг ҳар икки палатаси раҳбарлари ва ҳарбий раҳбарият билан музокаралар ўтказиши режалаштирилган.
Украина раҳбари БМТ Низомига «тўлиқ кучни қайтариш» зарурлигига ишора қилиб, ушбу ҳужжатнинг асосий тамойили давлатнинг ҳудудий яхлитлиги эканлигини таъкидлади.
Жаҳон ташкилотининг «тажовузларни тўхтатиш ва уларнинг олдини олиш имкониятларини ошириш зарур», деб таъкидлади Зеленский. Украина «бу масала бўйича БМТ аъзоларига аниқ таклиф билан чиқади», дея қўшимча қилди у.
Зеленский Ню-Йоркда реабилитация қилинаётган украиналик аскарларни бориб кўрди.
«Йигитларимизга жароҳатлардан қутулишда ёрдам бераётган шифокорлар жамоасига миннатдорчилик билдираман. Давлат мукофотларини топширдим ва украиналикларнинг матонати, умумий ғалабамиз ҳақида ғоят муҳим сўзларни эшитдим», — деди Украина раҳбари.
Мавзуга оид
19:32 / 12.10.2024
«Украина Ғарб сиёсатида энди биринчи эмас» — ОАВ
13:10 / 12.10.2024
Шолц ва Зеленский Берлинда учрашди
19:38 / 11.10.2024
Зеленский Европа пойтахтларини айланди. У иттифоқчилардан нима талаб қилди? Ва у нимага эришиши мумкин?
18:53 / 11.10.2024