Коллеж ва техникумларга тест синовлари якуний натижаси 3 октябр куни эълон қилинади

2023-2024-ўқув йили учун коллеж ва техникумларга кириш тест синовлари жорий йил 26-29 сентябр кунлари ўтказилади.

Синовлар икки сменада: 1-смена 08:00 дан 11:00 гача, 2-смена 15:00 дан 18:00 гача ташкил этилади.

Бир сменада 21 060 нафар, бир кунда эса 42 120 нафар абитуриент тест жараёнида иштирок этади.

Шунингдек, алоҳида иқтидор талаб этиладиган касб ва мутахассисликларга ўқувчиларни қабул қилиш бўйича 2023-2024-ўқув йили учун 32 та коллеж ва 19 та техникумда касбий (ижодий) имтиҳонлар ўтказилади.

Техникумларда 25 сентябр кунидан касбий (ижодий) имтиҳонлар бошланди.

Тест синови натижалари имтиҳон ўтказилган куннинг эртасига, якуний танлов натижалари эса 3 октябр куни эълон қилиниши режалаштирилган.